InicioEconomíaO alcalde de Cervo anuncia o seu apoio a unha folga xeral...

O alcalde de Cervo anuncia o seu apoio a unha folga xeral contra o peche da gran industria galega

Villares considera que o paro plantexado para o 16 de outubro é "obrigatorio" ante a situación da planta de San Cibrao, que "corre o mesmo risco que Endesa"

Publicada o

- Advertisement -

O alcalde de Cervo, o popular Alfonso Villares, animou este luns a unha folga xeral en toda Galicia, en defensa das plantas de Endesa nas Pontes e da de Alcoa en San Cibrao.

Ante esa posibilidade aberta de convocar un paro o 16 de outubro, asegurou que “absolutamente” secundará esa “gran mobilización” na comunidade galega se se produce. “Faise obrigatoria e urxente unha protesta de toda a sociedade galega. É algo indecente o que fai o Goberno e claro que vou apoiar calquera mobilización que haxa e animo a todo o mundo a que as secunden”, dixo.

CRÍTICAS AO GOBERNO CENTRAL

“Estamos nunha situación que é case precatastrófica por non dicir catastrófica, pecha As Pontes que son máis de 600 postos de traballo e de Alcoa levamos meses dicindo que hai que moverse porque corre o mesmo risco que Endesa”, alertou.

Fronte a isto propón que “toda a sociedade civil se mobilice. Témonos que marcar urxentemente e dicir a quen ten as competencias que é Madrid, que é o Goberno central, que as decisións que toma están a prexudicar a Galicia e iso témolo que ter todos moi claro, porque estamos a falar de que van pechar empresas”, abundou.

25 CONCELLOS, ENTRE ELES VIVEIRO, PIDEN “AUXILIO”

O Concello de Viveiro foi un dos 25 gobernos locais das provincias da Coruña e Lugo asinantes este luns en Ferrol dunha declaración institucional para pedir “auxilio” ás Administracións ante a situación de “emerxencia industrial” en Galicia.

Representantes dos 25 gobernos locais asinantes. AXM

Na reunión mantida déronse cita alcaldes ou responsables de goberno de diferentes partidos dos municipios coruñeses das Pontes, Ferrol, Pontedeume, Neda, Mugardos, Ortigueira, Cedeira, Cerdido, A Capela, As Somozas, San Sadurniño, Fene, Cariño, Valdoviño, Moeche, Cabanas, Ares, Narón, Miño, Monfero e Mañón, ademais dos lucenses de Muras, Xermade, Vilalba e Viveiro.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...